Vjehrra e Stresit dhe bashkëshortja Kejsi duket të jenë mbështetëset më të madhe të reperit. Ai ndodhet pas hekurave pas akuzave për trafik droge.
Edhe pse janë larg Shqipërie, ato vijojnë të tregojnë se besojnë në pafajësinë e Stresit.
Mbrëmjen e djeshme, Kejsi publikoi disa video ku ndodhej me të ëmën, teksa dëgjonin këngët e partnerit gjatë udhëtimit me makinë.
“Mami është gjithashtu krenare”, shkruante Kejsi duke na treguar se çfarë mendon e ëma për arrestimin e dhëndrit.
Madje ajo shihet teksa filmon momentin, ndoshta për ta postuar më pas në rrjetet sociale.
