Ka vetëm pak kohë që Keisi Medini, më në fund doli me një këngë e videoklip së bashku me Seldi Qalliun. Kishte kohë që e ëndërronte në fakt diçka të tillë, por ja doli që ta realizojë në moshën 18 vjeçare.
Të shumta kanë qenë thashethemet se mes Keisit dhe Seldit mund të kishte lindur diçka më shumë se thjesht miqësi, por tek “Ftesë në Pesë”, ajo i sqaroi njëherë e mirë të gjitha.
“Seldin e kam si vëlla, jemi rritur bashkë. Kjo për shkak të lidhjes që ka pasur me babin”. – u shpreh Keisi, e njohur ndryshe si e bija e këngëtarit Sabian.
Mesa duket çdo foto e video në rrjetet sociale, që ishin shkëndija për dyshimet e të gjithëve, ishin vetëm në kuadër të bashkëpunimit muzikor.
Por, a ishte kënga “S’ka dashni” një dedikim nga ana e Seldit, për ish-partneren e tij Mimoza Shkodra?
“Duhet të pyesni Seldin”, tha Keisi duke qeshur.
Aktualisht Keisi studion për Marrëdhënie Ndërkombëtare dhe është në vitin e parë të studimeve.
