Ambasadorja e Shteteve të Bashkuara të Amerikës ka reaguar pasi Këshilli i Emërimeve në Drejtësi dërgoi një emër për Gjykatën Kushtetuese.
Përmes një postimi në Twitter, Yuri Kim shkruan se sapo presidenca të emërojë gjyqtarin e saj, Gjykata Kushtetuese do të jetë funksionale.
“Sot, KED përfundoi vlerësimin dhe i dërgoi Parlamentit listën e kandidatëve të kualifikuar për Gjykatën Kushtetuese. Kjo do të thotë se do të keni këtë javë një nga dy gjyqtarët e nevojshëm për funksionimin e Gjykatës Kushtetuese. Sapo presidenca të emërojë gjyqtarin e saj, Gjykata Kushtetuese do të jetë funksionale. Faleminderit të gjithëve për ndërmarrjen e masave urgjente!”,- shkruan Kim.
Më herët, KED i dërgoi Kuvendit emrin e Altin Binaj për anëtar në Gjykatën Kushtetuese. Binaj votohet seancën e së enjtes në parlament./Opinion.al
