Kreu i Partisë Demokratike, Sali Berisha ka debatuar me ministrin Taulant Balla në Kuvend, teksa ka hedhur akuza ndaj këtij të fundit.
Gjatë fjalës së tij, Berisha e ka quajtur Ballën “një përfaqësues të shpifur dhe të neveritshëm”, që sipas tij është i akuzuar për trafiqe të të gjitha llojeve.
Ai tha më tej se Balla është një njeri i akuzuar me dokumente zyrtare në sallë gjyqi, që ka porositur vrasje.
“Një përfaqësuesi të shpifur dhe të neveritshëm nuk ia vlen të përgjigjesh, por detyrimi ndaj qytetarëve dhe rrezikshmëria që paraqet ky për qytetarët, më detyruan të rikujtoj këtu që personi që foli këtu, është i akuzuar për trafiqe të të gjitha llojeve, filluar nga trafiqet e prostitucionit, përfunduar te droga.
Është një njeri i akuzuar me dokumente zyrtare në sallë qyqi që ka porositur vrasje, person që segmente të drejtësisë kane djegur me vendim regjistrimet që faktonin personin si një porositës të vrasjeve. Është njeriu që ka porositur bandën e Elbasanit të vendos revolet për të burgosur një familje të tërë kundërshtare të bandës së Elbasanit dhe merret me vonë në mbrojte nga Nuredin Dumani.
Ky person, ka rezulton se me datë 10.12.2020, (Berisha lexon në tablet): ka rënë dakord, trageti me pinin… informon se kishin rënë dakord mes tyre që të mos i kërkonin Taos, këtij kriminali që është këtu, asnjë tender publik përveç atyre që kishin rënë dakord të kërkonin”, tha Berisha.
