“Kë njihni si kryetar, Berishën apo Alibeajn?” Ja si përgjigjet deputeti gjerman

Deputeti i Bundestagut gjerman, Adis Ahmetoviç është pyetur nga gazetarët se kë njeh si kryetar të Partisë Demokratike.

Gjatë konferencës për shtyp, Ahmetoviç u pyet nëse njeh si kryetar Sali Berishën apo Enkelejd Alibeajn?

Në përgjigjen e tij, ai tha se nuk mund të komentojë çdo gjë që ndodh në Shqipëri me politikat e brendshme.

“Unë nuk mund të komentoj gjithçka që ndodh në politikën e brendshme. E thashë shumë qartë pozicioni i qeverisë dhe i shumicës në parlamentin shqiptar është i duhuri. Ju po luftoni vit pas viti për të hedhur hapat e mëtejshëm për t’u bërë pjesë e BE. Por iu desh të prisni sërish, megjithatë Shqipëria nuk ndali së punuari për këtë ide të BE, kështu që qeveria, partitë politike në parlament kanë mbështetjen tonë të plotë për këtë agjendë”,-tha ai.