Komisioni Evropian kërkoi sërish falje për komentet e shefit të politikës së jashtme, Josep Borrell, në lidhje me angazhimin e të rinjve në luftën kundër ndryshimeve klimatike.
Duke folur të mërkurën e kaluar në Bruksel, Borrell tha se dyshon në angazhimin e vërtetë të të rinjve në këtë drejtim dhe faktorin nxitës të tyre e quajti “sindroma Greta”.
Me këtë përshkrim, ai i u referua aktivistes 17-vjeçare suedeze, Greta Thunberg.
I përballur me presion, Borrell kërkoi falje të shtunën dhe tha se referenca e tij “e papërshtatshme” mund të jetë parë si ofendim për të rinjtë që i luftojnë ndryshimet klimatike.
Por, përballë kritikave gjithnjë e në rritje, si në media sociale, ashtu edhe nga gazetarët, zëdhënësja e Komisionit Evropian u detyrua të përsërisë të hënën kërkim e faljes së Borrell dhe tha se fjalët e tij kanë qenë “të papërshtatshme”.
“Të gjithë komisionarët i mbështesin aktivistët e rinj që angazhohen për zvogëlimin e ndikimeve të ndryshimeve klimatike”,- u shpreh zëdhënësja Dana Spinant.
