Për sa kohë që negociatat me Trojkën nuk kanë përfunduar dhe ekonomisë i duhen para, për sa kohë që bizneset nuk mund të planifikojnë të nesërmen dhe qytetarët nuk depozitojnë paratë në bankë, reformimi bëhet akoma më i vështirë.
Me gjithë progresin e bërë në bisedime, ekonomia është përkeqësuar. Tregues i kësaj është paaftësia në rritje për të paguar taksat. Sot borxhet tatimore të papaguara tejkalojnë 87 miliardë Euro. Në fund të vitit 2012 ishin 55.1 miliardë.
Ato janë rritur me 32 miliardë Euro nga ajo kohë. Kreditë e këqija, të cilat ishin në 8.2% të totalit në fillim të vitit 2010, në fund të vitit 2015 shkuan në 36.4%. Fryrja e këtyre borxheve nuk ka filluar me këtë qeveri, raporton Syri.net.
Qeveritë e mëparshme, partitë opozitare dhe të gjithë kreditorët, të gjithë kanë luajtur një rol. Që nga fillimi i krizës, qytetarët janë goditur nga pasiguria, dëshpërimi dhe zemërimi. Me përkeqësimin e ekonomisë dhe mungesën e besimit, kontrollet e kapitalit ishin të pashmangshme dhe na çuan më thellë në telashe.
Ky ankth duket se do të vazhdojë. Qeveria nuk mund të ndërmarrë barrën e asaj që kërkojnë kreditorët. Nga ana tjetër, kreditorët duken të gatshëm për të ndihmuar. Ne jemi kapur në kurth të përsosur.
Për sa kohë që negociatat zvarriten, paqëndrueshmëria dhe mungesa e besimit do të rrisin borxhin e papaguar në të gjitha nivelet, duke parandaluar rritjen dhe nga ana tjetër masat bëhen më të ashpra. Mënyra më e vetme për shpëtuar është që qeveria dhe kreditorët të tregojnë vullnetin e mirë dhe të besojnë njëri-tjetrin.
