Katër persona janë ndaluar nga policia e Shkodrës si të dyshuar për atentatin e mbrëmshëm në Shkodër në drejtim të shtetasit Dorian Shtjefnit.
Nga të dhënat e para ende jo zyrtare, thuhet se personat që i bënë atentat 30vjecarit në mes të Shkodrës, pësuan aksident pak pas ngjarjes.
Raportohet se makina me të cilën udhëtonin autorët e dyshuar u përplas me një pjesë muri në afërsi të fshatit Golem.
Ngjarja e rëndë u shënua rreth orës 22:30, në qendër të qytetit, pranë “Turizmit”.
Autorët i janë drejtuar me armë kallashnikov dhe plumbat kanë qenë me breshëri ndaj 30vjeçarit. Automjeti i tij është pushtuar nga plumbat dhe ka devijuar rrugën.
Mësohet se shënjestra e atentatit, Dorian Shtjefni, ka tentuar të manovrojë dhe me gjithë numrin e shumtë të plumbave ai ka arritur të shpëtojë nga vdekja e sigurt. Policia pritet të dalë me një komunikim zyrtar lidhur me zhvillimet më të fundit.
