Një bandë shqiptare e drogës që dërgoi miliona paund kokainë në qytetet britanike është dënuar me 25 vite burg gjithsej.
Shqiptarët e dënuar janë Nuri Mucmataj, Bekim Halilaj, Fitim Halilaj dhe Tomas Hela të cilët kanë trafikuar kokainë të klasit A me vlerë 4 milion paund në Southampton.
Ata u arrestuan në 21 prill të këtij viti pas një hetimi 9 mujor të policisë e cila i mbante në vëzhgim. Arrestimi i tyre erdhi pasi policia kontrolloi një furgon në Southampton ku u gjet kokainë e pastër me vlerë 140 mijë sterlina.
Policia pastaj kreu bastisje të mëtejshme në Carrington House, në Westwood Road, Portswood. Këtu gjetën Bekim Halilajn dhe 10.000 paundë kokainë.
Një kërkim i fundit në rrugën Ted Bates, Bargate u gjet Mucmataj. Në disa raste, cilësia e kokainës së importuar ishte në masën e 91 për qind e pastër. Muçmataj ishte ai që ka transportuar në shumë raste drogën, ndërsa Bekim Haliaj kishte shtëpinë në Carrington e cila ishte në mënyrë efektive qendra për përgatitjen e drogës.
Dënimet:
Nuri Muçmataj, 26-vjeç, dënohet me 8 vite e 6 muaj burg
Bekim Halilaj, 21 vjeç, dënohet me 7 vite e tetë muaj burgim.
Fitim Halilaj, 27 vjeç, është dënuar me 4 vite e 6 muaj burgim.
Tomas Hela, 24 vjeç, dënohet me 4 vite e 6 muaj burgim.
