Ditën e djeshme, lajmi për fejesën e Princ Herry me aktoren kanadeze Meghan Markle u përhap me shpejtësi në të gjithë botën. Një lajm mjaft i rëndësishëm ky për familjen mbretërore në Britani. Epo Teksa dëgjuam intervistën e parë zyrtare të çiftit të ri, ku na rrëfyen historinë e tyre të dashurisë, tani është kohë të dëgjojmë edhe mendimin e pjestarëve të tjerë të familjes mbretërore.
Ka qenë pikërisht princesha Kate e cila ka treguar për mediat se çfarë mendon për fejesën e kunatit të saj. “Unë dhe William jemi më shumë se të entuziazmuar. Kjo është një kohë shumë e lumtur për çiftin dhe i uroj më të mirat. Ta shijojnë sa më shumë këtë moment” – u shpreh ajo.
Kate tashmë është në pritje të bebushit të saj të 3-të ndërsa çifti i ri pritet të lidhin kurorë pranverën e vitit të ardhshëm. Vetë Meghan tregoi dje se Kate është sjellë shumë mirë me të, duke e bërë të ndihej si në shtëpi.
