Në kohën që Gjermania është përfshirë nga përmbytje të cilat janë cilësuar si katastrofa më e madhe e shekullit, duke shkaktuar qindra të vdekur dhe shumë persona të tjerë të zhdukur, mediat gjermane po japin ndihmesën e tyre për të gjetur dhe bashkuar njerëzit që kanë humbur njeri-tjetrin.
Mediat kanë publikuar emrat dhe fotografitë e të zhdukurve. Ndërkaq, në listën e personave të humbur është edhe një shqiptare, e quajtur Diana Janko, 60-vjeçe, e cila është nga Këlni në Gjermani.
Atë e kërkon Grigor Nikolla, 40 vjeç, nga Shqipëria, i cili e ka pasur bashkëbisedimin e fundit me të me video në Facecook disa ditë më parë.
