Komiteti Ekzekutiv i UEFA-s miratoi të mërkurën sistemin e ri të kualifikueseve për Botërorin e vitit 2020 që do të zhvillohet në Katar.
Për herë të parë në këtë sistem do të përfshihet edhe performanca e skuadrave në Ligën e Kombeve. Gjithsej në Botërorin e Katarit do të jenë 13 skuadra evropiane.
Sipas rregullave të reja do të kualifikohen direkt 10 skuadrat që do të klasifikohen të parat në grupet e fazës kualifikuese.
3 skuadrat e tjera do të dalin nga një fazë play-off. Në këtë fazë do të marrin pjesë 12 skuadra të cilat do të jenë 10 vendet e dyta të grupeve të fazës kualifikuese dhe 2 ekipet fituese të grupeve të Ligës së Kombeve me renditjen më të mirë dhe që nuk janë kualifikuar direkt nga faza eliminatore ose që nuk janë kualifikuar në play-off si skuadra të vendit të dytë.
Këto 12 skuadra do të ndahen në grupe me nga 4 ekipe të cilat do të luajnë mes tyre nga 2 gjysmëfinale që do të jenë me eliminim direkt. Fitueset e çdo gjysmëfinaleje do të kalojnë në finalet e playoff dhe me short do të përcaktohen përballjet e fundit që do të përcaktojnë 3 ekipet e tjera që do të kualifikohen.
Kombëtares shqiptare për tu kualifikuar në Botërorin e Katarit do ti duhet ose të fitojë grupin e saj të kualifikueseve ose përmes fazës play-off duke u renditur e dyta në grup ose duke u renditur e para në grupin e saj në Ligën e Kombeve.
Hedhja e shortit për fazën e grupeve të Ligës së Kombeve do të mbahet në 3 mars 2020 në Amsterdam ndërsa kompeticioni do të nisë më 3 shtator të 2020 dhe do të mbyllet në 17 nëntor. /Opinion.al
