Lideri i shkarkuar katalan, Carles Puigdemont ka bërë thirrje për “opozitë demokratike” ndaj sundimit direkt të vendosur nga qeveria e Madridit.
Puigdemont dënoi pezullimin e autonomisë së Katalunjës dhe premtoi të vijonte punën për të ndërtuar një vend të lirë.
Ai i bëri këto komente në televizion nga një vendodhje sekrete.
40 minuta pasi Parlamenti i Katalonjës ka votuar pro deklaratë së Pavarësisë duke shpallur kështu shkëputjen nga Spanja, Senati spanjoll ka miratuar kontrollin direkt mbi Katalonjën.
Senati spanjoll ka aktivizuar për herë të parë nenin 155 në Kushtetutën spanjolle, e cila i jep fuqi të plotë qeverisë së Spanjës mbi rajonin e Katalonjës, duke shfuqizuar kështu autoritetet lokale.
Ky akt i jep të drejtën Madridit që të pushojë nga çdo institucion liderët katalanas, duke marrë kontrollin e financave, policisë dhe medias publike në rajon
