Lideri Carles Puigdemont ka shpallur pavarësinë e Katalonjës, por ka kërkuar ta pezullojë atë për disa javë për shkak se kërkon të futet në dialog me Spanjën.
“Ne do ta pezullojmë deklaratën për të ndërmarrë një dialog, për të arritur një zgjidhje të rënë dakord për të avancuar kërkesat e popullit të Katalonjës. Me rezultatet e 1 tetorit, Katalonia ka fituar të drejtën për të qenë një shtet i pavarur”, tha Puigdemont para Parlamentit. “Nëse të gjithë veprojnë me përgjegjësi, konflikti mund të zgjidhet në një mënyrë të qetë. Për ne nuk do të lihet me kaq, “tha ai.
“Ishte hera e parë që një votim zhvillohej nën sulmin e policisë, e kjo për shkak se qeveria spanjolle është sjellë në një mënyrë agresive ndaj nesh. Megjithatë, më shumë se dy milionë njerëz mposhtën frikën dhe dolën për të votuar”, tha më tej Carles Puigdemont.
“Çështja katalanase nuk është një çështje vetëm e jona, por e të gjithë Europës. Që prej përmbysjes së diktaturës së Frankos, Katalunja ka kontribuuar gjithnjë për demokraci dhe paqe, sepse kjo është e vetmja rrugë për të ecur përpara. Ne kemi dashur gjithmonë të uleshim në bisedime me qeverinë e Madridit”, ka theksuar më tej Puigdemont.
E menjëherë pas këtij fjalimi ka ardhur edhe vendimi i shumëpritur për katalanasit, e i shumëkritikuar nga qeveria qendrore spanjolle, për shpalljen e pavarësisë së rajonit autonom nga Spanja. “Tashmë ka ardhur momenti deciziv për Katalunjën, e unë si president ndjek vullnetin e popullit për ta shpallur të pavarur Katalunjën”. /Opinion.al
