Përfaqësuesi ligjor i Komisionit të Rithemelimit, Ivi Kaso, në një dalje për mediat, pas vendimit të Gjykatës për njohjen e statutit të Kuvendit të Partisë Demokratike të 11 Dhjetorit të thirrur nga ish-kryeministri Berisha, tha se me vendimin e sotëm PD do t’u kthehet demokratëve.
“Gjykata sot mori vendimin e paralajmëruar dhe vendosi t’u kthejë demokratëve partinë e tyre. Është fitore e madhe për të gjithë demokratët, është zyrtarizuar ajo që kemi thënë që në krye të herës. Sot ka vetëm një Parti Demokratike që përfaqësohet nga Komisioni i Rithemelimit dhe është e certifikuar me vendim gjykate”, u shpreh Ivi Kaso./Opinion.al
