Sot në Komisionin e Edukimit raporton kryeredaktori i Rilindjes Demokratike, Bledi Kasmi i cili u dhunua në protestën e 26 majit. “Ishin shumë gazetarë të tjerë aty, nuk kam qenë vetëm unë, nuk e di pse me përzgjodhi mua shkopi”, u shpreh Kasmi gjatë dëshmisë së tij.
Kasmi ka treguar se si ndodhi ngarja ndërkohë që është shprehur se policia ishte ajo që shtynte me forcë protestuesit.
“Një protetsues u godit me shkop gome në qafë dhe pas shpine dhe ka rënë pa ndjenja. Emri i tij është Kastriot Hasko. Ai ka shkuar pa ndjenja në spital dhe atje është përmendur, kjo mund të verifikohet. Pas këtij incidenti të dhunshëm kemi qënë në kushtet e vetëmbrojtjes. Nuk kishte shumë zgjidhje veçse të vetëmbroheshim dhe një nga ato zgjehdje ishte të bëja dhe unë duke vendosur duart tek rrethimi i hekurt”, tha ai.
