Fluturimet charter në aeroportin e Vlorës nuk pritet që të nisin këtë Qershor siç ishte parashikuar.
Kështu ka deklaruar kreu i Unionit Turistik shqiptar Rrahman Kasa.
“Aeroporti i Vlorës nuk ka përfunduar, nuk ka është gati të operojë me fluturime të rregullta. Për fat të keq nuk është gati as për fluturime charter. Mosrespektimi i kësaj sjell pasoja negative, si për biznesin, ashtu edhe për imazhin turistik të Shqipërisë”, tha Kasa.
Kasa tha se operatorët turistik po përpiqen të minimizojnë pasojat që vinë nga mos respektimi i kontratave.
“Ne po përpiqemi të minimizojmë këtë pasojë negative duke i ulur charter në aeroportin e Tiranës”, tha Kasa.
Punimet për plotësimin e infrastrukturës së nevojshme të Aeroportit të Vlorës janë në proces e sipër edhe pse në fillim të Majit u mbajt një ceremoni e posaçme e certifikimit të pistës së këtij aeroporti.
Klan News
