Komisioni i Ankimimeve dhe Sanksioneve ka vendosur emrin e Ilir Metës krahas koalicionit opozitar “Bashkë Fitojmë.”
“Në përfundim të shqyrtimit, KAS vendosi me shumicë votash pranimin e pjesshëm të kërkesës së PD sa i takon pasqyrimit të emrit të kryetarëve të partive udhqëheqëse të koalicioneve “Bashkë Fitojmë” dhe “Aleanca Liberale e Djathtë” në fletën e votimit, rrëzimin e kërkesës së PD për pasqyrimin e shkronjave nistore të partive përbërëse të koalicioneve përbri emrit të koalicioneve përkatëse, rrëzimin e kërkesës e kërkesës së koalicionit “Bashkë Fitojmë për vendosjen e emrit të deputetit Sali Berisha në fletën e votimit si drejtues i koalicionit “Bashkë Fitojmë”, tha anëtari Koli Bele.
Më herët, koalicioni “Bashkë Fitojmë” me përfaqësues Endrit Braimllarin ka njoftuar Komisionin Qëndror të Zgjedhjeve që kryetar i komanduar i këtij koalicioni është kryedemokrati Sali Berisha.
“Në emër të koalicionit “Bashkë Fitojmë” si dhe të partive përbërëse të tij, ju informoj për efekt të pasqyrimit korrekt të të dhënave të koalicionit në fletën e votimit, sipas parashikimive të nenit 98 të Kodit Zgjedhor se, se drejtues i komanduar është deputeti Sali Berisha”, thuhet në shkresën drejtuar KQZ-së.
