Aktualitet

KAS refuzon kërkesën e PD-LSI: Jo përsëritje zgjedhjesh në qarkun e Vlorës


Bëhu pjesë e Grupit Zyrtar të Opinion.al
>> KËTU <<
               Publikuar në : 14:24 - 20/05/21 |
Opi Nion

Komisioni i Ankesave dhe Sanksioneve refuzon ditën e sotme kërkesën për përsëritjen e zgjedhjeve në qarkun Vlorë. Kërkesa për përsëritjen e zgjedhjeve në qarkun Vlorë kishte ardhur nga dy forcat opozitare PD dhe LSI.

“KAS me shumicë votash vendosi: rrëzimin e kërkesës ankimore 36 të paraqitur nga PD-AN. Rrëzimin e kërkesës ankimore 49 të paraqitur nga LSI. Lënien në fuqi të vendimit të Komisionarit për rezultatin e votimit për qarkun e Vlorës”, tha relatori i ankimimit.

Kujtojmë se ky është vendimi i tretë kundër kërkesave për përsëritje zgjedhjesh. Ditën e djeshme KAS ka rrëzuar kërkesën për përsëritje zgjedhjesh në Gjirokastër dhe në Berat gjithashtu.

Ndërkohë që pas përfundimit të numërimit të votave PD dhe LSI kanë ankimuar rezultatin e zgjedhjeve në 9 qarqe, në 5 nga të cilat, LSI ndryshe nga PD kërkon rivlerësim dhe rinumërim./Opinion.al

Pas