Ministri i Brendshëm, Bledi Çuçi, në një dalje për mediat, pas mbledhjes së qeverisë, është pyetur nga gazetarët nëse ndryshimi i kompanisë që prodhon ID nga kompani private në publike do të sjellë ulje të çmimit.
Çuçi u shpreh se me kompaninë publike të krijuar nga shteti do mund të ketë fleksibilitete dhe shteti do të mund të ndërhyjë më tepër për t’i ardhur në ndihmë qytetarëve.
“Nuk është e lidhur fare me çmimin, është marrëdhënie kontraktore me kompaninë që mbaron në korrik të këtij viti. Do përfundojmë kontratën dhe do e marrim në dorëzim gjithë kompaninë e kartave. Pastaj çështja e çmimit është një çështje që vendoset. Jemi më fleksibël për t’i ndryshuar çmimet. Jemi fleksibël por s’lidhet me ndryshimin e ligjit.”-tha Çuçi.
