Kapsula Dragon, është ankoruar me sukses pranë stacionit hapësinor ndërkombëtar.
Kapsula e re hapësinore amerikane, e lancuar nga kompania kaliforniane private “SpaceX”, bëri një ankorim të pavarur, teksa po kalonte misionin e saj testues, e survejuar nga astronautët në bordin e stacionit hapësinor ndërkombëtar, të cilët ndoqën procedurën ha pas hapi për të garantuar që çdo gjë të shkonte mirë.
Kapsula Dragon do të qëndrojë në stacion deri të premten, kur edhe do të shkëputet për të filluar udhëtimin e kthimit për në tokë. Kjo do të jetë një tjetër sfidë e saj për shkak të zbritjes së shpejtë përmes atmosferës.
Ky është testi i fundit nga një seri testesh që kapsula do të kalojë në mënyrë që të marrë miratimin nga NASA, për të transportuar njerëz në hapsirë. Nëse Nasa miraton kapsulën astronautët mund të ngjiten në të prej muajit korrik./E.M
