Një oficer i policisë në Nju Jork u pezullua nga puna, pasi një video e postuar në internet tregon momentin kur ai kap prej qafe një afrikano-amerikan, gjatë një arrestimi.
Departamenti i Policisë në Nju Jork ndaloi përdorimin e taktikës së kapjes nga qafa në 1993. Por vdekja e George Floyd ka vënë përsëri në qendër të vëmendjes taktikat dhe metodat e policisë.
“Pas një hetimi të shpejtë nga Byroja e Punëve të Brendshme, një oficer policie i përfshirë në një incident shqetësues të në Queens është pezulluar nga puna pa pagesë’,- tha Komisioneri i Policisë së Qytetit të Nju Jorkut, Dermot Shea të dielën.
Videoja e postuar në internet tregoi shumë oficerë që kapnin afrikano-amerikanin në stomak, por një prej tyre kishte krahun të mbështjellë rreth qafës së tij.
Të enjten, Këshilli i Qytetit të Nju Jorkut miratoi me shumicë një projekt-ligj që do të urdhërojë forcën e policisë së qytetit të artikulojë dhe të shpjegojë pajisjet e saj të mbikëqyrjes.
Kryetari i Bashkisë së Nju Jork-ut Bill de Blasio ka thënë se ai do të nënshkruajë projektligjin, i cili kishte qenë në harresë për vite me radhë./Opinion.al
