Ndërkohë që në Kuvend do të votohet për pak raporti për shkarkimin e Presidentit të Republikës Ilir Meta, në ambientet e Presidencës është duke u zhvilluar një “festë” me Ansamblin Folklorik të Dibrës.
Gajtë aktivitetit i pranishëm ka qenë dhe regjisori, skenaristi, karikaturist dhe aktori i njohur Bujar Kapexhiu.
Në fjalën e tij Kapexhiu ka pasur dhe një mesazh për atë që po ndodh në parlamentin e Shqipërisë ku pritet të votohet raporti për shkarkimin e Presidentit të Republikës Ilir Meta.
Kapexhiut të gjithë këtë veprimtari që po ndodh në Parlament e ka cilësuar si intrigë, teksa uroi që ky aktivitet kulturor t’iu shërbejë për të reflektuar dhe bashkuar festës së artistëve.
“Në një sallë të mbyllur thuren intriga, ndërsa në këtë ambient të hapur, në këtë ditë kaq të bukur këndohet dhe hidhen valle. Kur flasim për ata nuk mund të mos qeshim dhe urojmë që ky aktivitet kulturor t’iu shërbejë edhe atyre që të reflektojnë dhe t’i bashkohen festës sonë”, tha Kapexhiu gjatë fjalës së rastit./Opinion.al
