30-vjeçar me origjinë shqiptare është arrestuar në Itali pasi i është gjetur një sasi e konsiderueshme kokaine. Mediat italiane bëjnë me dije se shqiptari u ndalua nga policia italiane teksa lëvizte me automjetin e tij në një kontroll rutinë. Gjatë kontrollit iu gjet një kilogram kokainë e pastër.
Por pas kësaj, të riut, i cili qëndronte në Brescia, iu ushtrua kontroll edhe në banesën ku jetonte. Aty policia gjeti 40 kilogramë kokainë e pastër që nëse do të dilte në treg, do të sillte fitime deri në 10 milionë Euro. Po ashtu, shqiptari kishte edhe një pistoletë me municionsi dhe para të dyshuar të përfituara nga aktiviteti kriminal i shitjes së drogës.
Mësohet se i riu shqiptar kërkohej nga Guardia di Finanza e Brescia-s. Tashmë autoritetet italiane shpresojnë që shqiptari të flasë për të bërë të mundur zbërthimin e të gjithë skemës kriminale dhe të gjithë personave të tjerë të përfshirë në ngjarje.
