Prokurorët federal dyshonin se James Mathew Bardley ishte shoferi I cili mbante emigrant të vdekur e të tramuatizuar në kamionin e tij. Ai është 60 vjeç dhe do paraqitet para gjykatës federale në 11:00, me orën lokale të San Antonios.
Autoritetet fillimisht zbuluan 18 vetë të vdekur dhë dy të lënduar nga I nxehti, brenda një makine. Dy të tjerët vdiqën më vonë në spital.
Oficerët kishin frikë se numri i të vdekurve mund të ngrihej ende, pasi rreth 20 vetë u shpëtuan nga kamioni në gjendje të tmerrshme, shumë prej të cilëve vuanin nga dehidrimi ekstrem dhe nga goditja e nxehtësisë.
Besohet se më shumë se 100 njerëz mund të kenë qëndruar në pjesën ë mbrapme të kamionit. Zyrtarët thanë se 39 persona ishin brenda kur arritën shpëtuesit, ndërsa pjesa tjetër besohej se kishin ikur ose udhëtuar në destinacionin e tyre.
Katër nga të mbijetuarit duket të jenë midis 10 dhe 17 vjeç. Ndër të mbijetuarit ishin dhe shtetasit meksikan.
Hetuesit nuk dhanë detaje se ku filloi udhëtimi apo për ku u drejtua.
