Në pikën kufitare të Kapshticës është kapur sot një kamion me një sasi të madhe droge. Kamioni me targa AA 874UZ po udhëtonte drejt Greqisë. Lënda narkotike brenda kamionit u pikas nga anti-kontrabanda dhe u sekuestrua nga policia.
Kanabisi ishte fshehur në disa thasë brenda kamionit që transportonte krunde. Nuk dihet ende sasia e saktë por Balkanweb raporton se sasia është shumë e madhe dhe agjentët e antidrogës po e peshojnë.
Gjithashtu policia ka ndaluar edhe një tjetër kamion për t’u kontrolluar. Policia ka ndaluar dy drejtuesit Zija Hidri dhe Ardian Sako./E.L
