Më shumë se 1 ton drogë është kapur ditën e sotme në qytetin e Sarandës, ndërsa 9 persona kanë rënë në pranga, mes tyre 8 femra.
Polcia ka bërë me dije se sasia e lëndës narkotike është sekuestruar në një tunel në Qaftë-Gjashtë, pranë vendit të quajtur “Nënstacioni”.
Nga të njëjtat burime, bëhet me dije, se dy furgona policie janë ngarkuar plot me marijuanë të sekuestruar.
Mësohet se personat e ndaluar janë shoqëruar në komisariat.
Ndërkaq, burimet policiore kanë thënë se në operacion kanë marrë pjesë edhe forcat e Forcat e Ndërhyrjes së Shpejtë.
Sakaq, vijojnë hetimet për zbardhjen e plotë të kësaj ngjarje si dhe identifikimin e personave të arrestuar.
