Policia e Vlorës ka arrestuar një nga vrasësit e biznesmenit të kafesë, Valis Dervishaj. Në një njoftim për mediat thuhet se 28 vjeçari A.C. është autor i dyshuar i vrasjes. Ndërsa një tjetër është ende në kërkim.
Njoftimi i policisë:
Policia Strukturat Policore të Seksionit Kundër Krimeve ndaj Personit në DVP.Vlorë, kanë bërë zbatimin e Urdhërit të Prokurorisë së Rrethit Gjyqësor Vlorë, për ndalimin e shtetasit:
A.C., 28 vjeç, banues në Vlorë.
Janë sekuestruar në cilësinë e provës materiale:
1 automjet tip “Audi” me targa AA830RA, dhe 1 palë targa të tjera (italiane) AH63435, (dyshohen se janë përdorur në momentin e kryerjes së krimit),
1 xhup dhe 1 kapuç.
Vijon puna për kapjen dhe ndalimin e autorit tjetër të kësaj ngjarje.
Materialet hetimore iu referuan Prokurorisë së Rrethit Gjyqësor Vlorë, për veprën penale “Vrasje me paramendim, kryer në bashkëpunim” dhe “ Mbajtja pa leje e armëve luftarake dhe municionit”, parashikuar nga neni 78 e 25 dhe 278 të Kodit Penal.
