Policia e Vlorës ka arrestuar sot një 47-vjeçar të shpallur në kërkim nga drejtësia greke për 6 vepra penale.
Bardhosh Mino (Lytaj) ka rënë në prangat e policisë pas operacionit “Bianco”. Ai është shpallur në kërkim në shtator të vitit të kaluar pasi ndaj tij ishte vendosur masa “Arrest me burg” mbështetur në të dhënat e dërguara nga shteti grek.
Ndaj tij rëndojnë veprat penale “Vrasje me dashje, kryer në bashkëpunim”, “Grabitje në bashkëpunim”, “Armëmbajtje pa leje”, “Përdorim i paligjshëm i armës”, “Zotërim dhe transportim i një sasie të madhe të lëndëve narkotike”, dhe “Falsifikim”, të parashikuara sipas kodit Penal të shtetit Grek.
Materialet procedurale u referuan në Prokurorinë e Vlorës për veprime të mëtejshme. /Opinion.al
