Policia e Vlorës ka vënë në pranga Adjel Çaushajn. Ai ishte shpallur në kërkim pasi dyshohet se është implikuar në trafikimin e 2.5 ton kanabis drejt Italisë.
Gjykata e Posaçme për Korrupsionin dhe Krimin e Organizuar Tiranë i ka caktuar masën e sigurisë “Arrest në burg” ndaj 24-vjeçarit Çaushaj.
Konkretisht bëhet fjalë për një ngjarje të ndodhur në 13 janar 2017 ku autoritetet italiane kapën në Ankona sasinë e konsiderueshme të drogës.
Kamioni ku ajo ishte fshehur ishte nisur nga Porti i Durrësit për në drejtim të Ankonës në Itali më datë 3 janar 2017. Automjeti drejtohej nga Dhimo Koraj i cili kishte marrë përsipër të trafikonte lëndën narkotike drejt Italisë, ndërsa destinacioni përfundimtar ishte në Gjermani ku pritës i saj ishte Euron Hoti.
Përveç Adjel Çaushajt, mes të akuzuarave për këtë ngjarje ishin dhe Emiljano Çili, Artur Riza, Festim Lelaj, Harmejlindo Tufa, Juri Bedinaj, Arbi Mustafa, Skënder Siqeca, Sokol Hamzallari. /Opinion.al
