Greqia ka arrestuar një 47-vjeçar në Korfuz të akuzuar për përdhunime të shumta. Operacioni policor për arrestimin e tij nisi pas zhdukjes 2-ditore të një gruaje 34-vjeçare me origjinë shqiptare pak ditë më parë.
Bashkëshorti i saj kishte ngritur alarmin për zhdukjen e shqiptares, e cila pasi u gjet deklaroi se ishte rrëmbyer, kërcënuar dhe përdhunuar nga i etiketuari si “monstra” e Korfuzit, Dimitri Spioti.
47-vjeçari është person me precedent penal dhe i akuzuar e dënuar edhe vite më parë për përdhunimin e disa turisteve nga Britania e Madhe.
Edhe pse u dënua në vitin 2012 me 53 vite vite burgim, shtypi grek shkruan se ai u la i lirë në Gusht të vitit 2019 në kuadër të ligjit “Paraskevopoulos”, një ligj që krijon lehtësi për të dënuarit me aftësi të kufizuara, të miturit dhe shtetasit e huaj./Opinion.al
