Policia e Elbasanit ka finalizuar operacionin “Zaranika”, në fund të së cilit ka sekuestruar lëndë narkotike dhe minë me telekomandë si dhe ka arrestuar shtetasin që i posedonte me inicialet A.R.
Specialistët e Seksionit për Hetimin e Narkotikëve dhe Trafiqeve të Paligjshme pas informacioneve të marra në rrugë operative, i kanë gjetur shtetasit 1 minë me telekomandë, si dhe rreth 7 kg lëndë narkotike e llojit kanabis, të cilat u sekuestruan në cilësinë e provës materiale.
Në bashkëpunim me Prokurorinë vijon puna për zbardhjen e plotë të këtij rasti, identifikimin dhe kapjen e personave të tjerë të implikuar.
