Një sasi prej 7.4 kg lëndë narkotike kanabis sativa është gjetur në një servis makinash në rrugën “Siri Kodra”.
Policia informoi sot se është arrestuar djali 16 vjeçar me inicialet E.K ndërsa është shpallur në kërkim i ati i tij, 42 vjeç, i identifikuar me inicialet H.K, i cili ishte dhe pronari i servisit.
“Arrestimi i 16 vjecarit është bërë pasi ishte prezent gjatë kontrollit të ushtruar në servisin e të atit, në rrugën “Siri Kodra”, ku në bagazhin e mjetit tip “Benz”, janë konstatuar 7.4 kg lëndë narkotike, e dyshuar e llojit Cannabis Sattiva” informon policia e Tiranes.
Materialet iu referuan për veprime të mëtejshme Prokurorisë së Rrethit Gjyqësor Tiranë, për veprën penale “Prodhim dhe shitje e lëndëve narkotike e kryer në bashkëpunim, parashikuar nga neni 283/2 i Kodit Penal.
