Në kuadër të operacioni antidrogë të koduar “Vinjolli”, policia e Kurbinit ka sekuestruar 35 kg lëndë të dyshuar narkotike si dhe ka arrestuar në flagrancë 1 shtetas.
Është arrestuar në flagrancë shtetasi Sami Balloku, 37 vjeç, banues në Vinjollë, Kurbin, pasi gjatë kontrollit të ushtruar në banesën e tij iu gjet dhe sekuestrua në cilësinë e provës materiale 35 kg lëndë narkotike e dyshuar kanabis sativa.
Materialet procedurale u referuan Prokurorisë së Rrethit Gjyqësor Kurbin për veprën penale “Prodhim dhe shitje e lëndëve narkotike” parashikuar nga neni 283 i Kodit Penal.
