Mentadent Veinca është arrestuar pasi dyshohet për disa vjedhje në Shkodër. Kështu njoftoi policia ditën e sotme. Të gjithë menduan se ky është një lapsus, por jo: Hajduti mban emrin e markën e njohur holandeze të pastës së dhëmbëve “Mentadent”.
Shqiptarët kanë çuditur shpeshherë me emrat që u kanë vendosur fëmijëve të tyre, por emri i një paste dhëmbësh nuk ishte dëgjuar ndonjëhere….
Deklarata e policisë për Mentadentin:
Zbardhen dhe dokumentohen disa vjedhje të ndodhura në Qarkun Shkodër për të cilat është arrestuar shtetasi Mentadent Veinca, 27 vjec banues në fshatin Grilë, Malësi e Madhe. Ndalimi i tij u bë pasi Prokuroria e Rrethit Gjyqësor Shkodër, ka nxjerrë urdher ndalimi për veprën penale të “Vjedhjes” pasi ka kryer disa vjedhje dhe konkretisht;
-Më datë 27.05.2018, në lagjen “Vasil Shato”, Shkodër, ka vjedhur automjetin në pronësi të shtetasit Gj. Q.
-Më datë 27.05.2018 në lagjen “Qemal Stafa” Shkodër, ka vjedhur mjetin në pronësi të shtetases F. Xh.
-Me datë 14.10.2018, në fshatin Vrakë Malësi e Madhe i ka vjedhur shtetasit E. Gj. mjetin dhe një bageti të trashë (Lopë).
