Policia greke ka shkatërruar një grup kriminal në fushën e vjedhjeve të banesave, duke prangosur gjithsej 8 persona, mes tyre 6 shqiptarë dhe 2 grekë ndërsa ka sekuestruar një sasi të madhe objektesh si kallashnikov, pistoleta, makina private, skuter me licenca të falsifikuara, karta ID të falsifikuara, dylbi, telefona etj.
Shqiptarët e arrestuar janë, Mirel Kasaj, Dionis Rustemi, Marinel Murataj, Dhimitër Ramadani, Erius Tafaj dhe Roland Roshi. Ndër të arrestuarit bie në sy emri i Mirel Kasaj, arriti që të arratiset nga Gjykata e Vlorës teksa gjykohej.
Mësohet se grupi përdornin në grabitje armë zjarri, maska, pajisje shkarkimi elektrike, armë të mprehta etj, ndërsa për t’i shpëtuar përgjimit përdornin karta telefoni me emra personash inekzistentë.
Policia helene ka publikuar fotografi të shqiptarëve të arrestuar, si dhe përbri tyre emrat e të dhëna personale ndërsa mediat bëjnë me dije se grupi kryente grabitje të armatosura në biznese, shtëpi dhe parkingje private në Athinë./Opinion.al
