Një 44-vjeçar është arrestuar nga policia e Beratit, pasi akuzohet për kultivim të bimëve narkotike.
Sipas informacioneve, në pranga ka rënë Adi Myftari, i cili u kap në Vërzhezhë duke ujitur 120 fidanë të dyshuara bimë narkotike kanabis, të cilat ishin të mbjella pranë tokës së tij.
Ndërkohë u procedua penalisht Sh.K. 62 vjeç, me detyrë kryetar i fshatit Mëndrakë, Kuçovë dhe K.B., 51 vjeç, me detyrë Inspektor i Shërbimit Pyjor, pasi dyshohen se kanë konsumuar elementët e veprës penale “Shpërdorim detyre”. Në këtë zonë është zbuluar kultivim kanabisi.
Materialet i kaluan Prokurorisë së Rrethit Gjyqësor Berat, për veprime të mëtejshme./Opinion.al
