Një operacion i përbashkët është finalizuar mes policisë kufitare shqiptare dhe asaj të Malit të Zi në Hanin e Hotit.
Uniformat blu bëjnë me dije se kanë arrestuar një 72-vjeçar, pasi teksa po lëvizte në territorin e Malit të Zi në dalje për në Shqipëri, nuk ka ndaluar për të kryer procedurat për hyrjen në atdhe dhe është larguar me shpejtësi duke u futur në territorin shqiptar.
Sipas policisë 72-vjeçari ka dalë nga makina dhe ka tentuar të fshehë një pistoletë pas një ndërtese në pikën e kalimit.
Gjatë kontrollit të përbashkët me policinë e Malit të Zi, atij iu gjet në makinë një shumë prej 17 640 Eurosh të ndara në disa pjesë.
“Në përfundim të veprimeve të para hetimore u bë arrestimi i shtetasit F. S., 72 vjeç, banues në Shkodër, me precedentë të mëparshëm penal për armëmbajtje pa leje”, njoftoi policia./Opinion.al
