Një 33-vjeçar ra në prangat e policisë së Tiranës pasi prej 8 muajsh përndiqte një vajzë 28-vjeçare. Si pasojë e vështirësive të krijuara nga kjo situatë, e reja kishte tentuar të vriste veten.
Kallëzimin në polici e bëri 28-vjeçarja, duke thënë se Kleant Vladi e telefononte dhe përndiqte vazhdimisht që prej muajit janar, duke i shkaktuar ankth dhe pasiguri.
33 vjeçari me banim Tiranë do të hetohet nga Prokuroria e kryeqytetit për veprat penale “Përndjekja”, “Përdorimi me keqdashje i thirrjeve telefonike” dhe “Shkaktimi i vetëvrasjes”./Opinion.al
