Një 35-vjeçar është arrestuar në Durrës pasi ka tentuar të fusë në Shqipëri 33 mijë euro të padeklaruara.
Bëhet me dije se shtetasi Skerdi Çehaka nga Kavaja është kontrolluar në Portin e Durrësit dhe i janë gjetur 33 mijë euro të fshehura në trup.
Ndaj tij rëndojnë akuzat për veprat penale për veprat penale “Mosdeklarimi i të hollave dhe sendeve me vlerë në kufi”, “Fshehja e të ardhurave” dhe “Pastrimi i produkteve të veprës penale ose veprimtarive kriminale”.
“Specialistët për Hetimin e Krimeve Ekonomiko-Financiare të DVP Durrës arrestuan në flagrancë shtetasin S. C., 35 vjeç, banues në Kavajë, pasi gjatë kontrollit të ushtruar nga shërbimet e Policisë të PKK Port Durrës, në hyrje të RSH, këtij shtetasi iu gjetën të fshehura në trup, 33.000 euro, të padeklaruara. Arerstimi i tij u bë për veprat penale “Mosdeklarimi i të hollave dhe sendeve me vlerë në kufi”, “Fshehja e të ardhurave” dhe “Pastrimi i produkteve të veprës penale ose veprimtarive kriminale”.- njofton policia./Opinion.al
