Një sasi prej 1.7 ton drogë është kapur në portin e Valencias në Spanjë. Mediat raportojnë se kokaina kishte ardhur nga Ekuadori dhe ishte fshehur në kontejnerë.
Sipas mediave spanjolle, trafikantët kishin krijuar hapësira në trarët e dyshemesë së kontejnerëve ku droga ishte fshehur mes kutive me fruta.
Mësohet se gjatë operacionit ka rënë në pranga një prej anëtarëve të kartelit Los Balkanes, i cili është shtetas shqiptar i trajnuar ushtarakisht dhe njohuri të gjera operacionale, i cili do të mbikëqyrte shkëmbimin e drogës.
Hetimi nisi kur agjentët mësuan se rrjeti kriminal importonte çdo javë kontejnerë me fruta nga Ekuadori, ku fshiheshin sasi të konsiderueshme droge./Opinion.al
