Dy persona janë arrestuar ditën e sotme në Tiranë pasi janë kapur në flagrancë me 32 doza drogë të bëra gati për shitje. Të ndaluarit nga policia janë 30-vjeçari me iniciale F.M dhe 18-vjeçari me inciale A.L të dy banues në Tiranë.
Sipas njoftimit të policisë këta dy persona u kapën në rrugën ‘Muhamet Gjollesha’ me 32 doza kanabisi. Gjatë kontrollit të ushtruar policia ka mundur të sekuestrojë në cilësinë e provës materiale 32 doza me lëndë të dyshuar narkotike kokainë, një dozë me lëndë të dyshuar narkotike kanabisi, 3 aparate cellular, një armë e ftohtë thikë dhe 66 600 lekë të dyshuara të përfituara nga shitja e lëndës narkotike.
Materialet procedurale i kaluan për veprime të mëtejshme Prokurorisë së Rrethit Gjyqësor Tiranë për veprat penale “Prodhimi dhe shitja e narkotikëve” kryer në bashkëpunim” dhe “Mbajtja pa leje e armëve të ftohta”./Opinion.al/
