“Goditje serioze ndaj trafikantëve të drogës”, kështu e kanë cilësuar mediat italiane arrestimin e Aurel Hasanaj dhe Meti Lika. Dy shqiptarët, përkatësisht të moshës 30 dhe 35-vjeçare, u kapën me kokainë pas një sërë hetimesh dhe vëzhgimesh.
Policia mundësoi fillimisht kapjen e Aurel Hasanajt në një furgon ku ishte fshehur 3 kilogramë kokainë. Më pas ata ushtruan kontroll në banesën e tij, të cilën Hasanaj e ndante me bashkëpunëtorin e tij, Meti Lika, një tregtar makinash. Aty policia gjeti edhe 50 gramë të tjera lëndë narkotike. Veç kësaj, Lika ishte dëbuar nga shteti fqinj dhe nuk do duhej të kishte shkelur aty deri në vitin 2022.
Autoritetet bënë të ditur se janë sekuestruar 3 kilogramë kokainë, duke e konsideruar operacionin një sukses. Sipas tyre dy shqiptarët bëjnë pjesë në një organizatë të madhe kriminale, ndërkohë vazhdojnë hetimet për të zbuluar të tjerë anëtarë të organizatës./Opinion.al
