DURRËS- Dy të rinj, 21 dhe 25 vjeç, të dy studentë janë vënë në pranga pas denoncimit që ka bërë në polici një vajzë e mitur.
Ata janë Abiela Tafa me banim në Tiranë dhe Dritan Mici banues në Kamëz. Kallëzimin e ka bërë 15-vjeçarja me inicialet I.D. me banim në Durrës e cila ka treguar në polici se është shfrytëzuar prej një muaji nga dy studentët.
Policia ka kapur në kushtet e flagrancës tutorët dhe një klient në një hotel në Durrës. Ajo ka rrëfyer se paguhej 50 euro për klient. Në gjendje të lirë po procedohet edhe klienti i radhës, 38-vjeçari kosovar.
