Autoritetet italiane kanë ndaluar një tjetër gomone me drogë që ishte nisur nga Shqipëria. Mësohet se janë arrestuar dy skafistët shqiptarë, banues në Vlorë, H.E. 37 vjeç e M.H 34 vjeç.
Gomonia e gjatë rreth 9 metra dhe e pajisur me dy motorë të fuqishëm është ndaluar nga roja bregdetare pas disa minuta ndjekjeje në brigjet e qytezës Molfeta në Bari.
Në bordin e saj janë gjetur 52 pako marijuanë me një peshë totale prej 1 ton e 215 kg.
Sipas autoriteteeve italiane lënda narkotike nëse hidhej në treg do të sillte një përfitim prej 12 milionë eurosh.
