Një ngjarje tmerruese ka ndodhur sot në kanalin Giudecca në Venecia. Rreth orës 8:30 një kroçierë me turistë në bord është përplasur me një traget të ankoruar në një kalatë ku po priste turistët të hipnin në bord.
Mësohet se katër persona janë lënduar por vetëm dy prej tyre janë dërguar në spital për të marrë ndihmën e nevojshme.
Kroçiera MSC Opera, e gjatë 275 metra, ka një kapacitet prej 2679 pasagjerësh. Paraprakisht është thënë se ka pasur një problem në motorin por asgjë nuk është zyrtare pasi priten të zhvillohen hetimet e duhura.
Mesa shihet edhe nga pamjet, ajo ka përmasa tepër më të mëdha se trageti dhe përplasja ka shkaktuar një situatë paniku dhe frike te personat që janë gjendur përreth vendngjarjes.
Venecia është një vend i jashtëzakonshëm për turistët dhe anijet turistike, sidomos gjatë sezonit turistik të verës. /Opinion.al
#BREAKING: Tourists flee as cruise liner smashes into dock in Venice pic.twitter.com/DSIjHckYxk
— Russian Market (@russian_market) June 2, 2019
