Kryeministri Edi Rama ka ndarë pamje të punimeve për zgjerimin e superstradës që lidh Tiranën me Durrësin.
Përmes një postimi në rrjete sociale, Rama thotë se kjo nyje rrugore po kthehet në një autostradë të kategorisë A.
Sipas Ramës, ky investim do të lehtësojë ndjeshëm qarkullimin e automjeteve të panumërta në këtë aks.
“Mirëmëngjesi dhe me kantierin e Superstradës Tiranë-Durrës, e cila po shndërrohet në një autostradë të kategorisë A, çka do të lehtësojë ndjeshëm qarkullimin e automjeteve të panumërta në këtë aks dhe do t’i japë Tiranës një hyrje ende më dinjitoze, ju uroj një ditë të mbarë”, shkruan Rama.