Uniformat blu të Korçës kanë arrestuar një 27 vjeçar, i cili ditën e djeshme në fshatin Liqenas, pas konfliktit me dy persona, babë e bir, i ka kanosur ata me armë dhe më pas është larguar me shpejtësi me automjetin e tij.
I riu është lokalizuar nga policia në qytetin e Korçës, ku nga kontrolli fizik dhe kontrolli i ushtruar në mjet, iu gjetën dhe sekuestruan në cilësinë e provës materiale, një armë sportive tip pistoletë, me një krëhër me fishekë, të cilat 27-vjeçari M.B. i posedonte pa lejen përkatëse.
Materialet i kaluan Prokurorisë pranë Gjykatës së Shkallës së Parë Korçë për veprat penale “Kanosja”, “Vetëgjyqësia”, “Prodhimi dhe mbajtja pa leje e armëve të gjuetisë dhe sportive”./Opinion.al
