Pesë persona kanë përfunduar në prangat e efektivëve të Shkodrës pasi akuzohet se kanë kanosur me armë zjarri një turiste gjermane.
Burime të policisë thonë se dy ditë më parë, 23 – vjeçarja me iniciale A.T. ka bërë kallëzim në Komisariat, se është kanosur me armë zjarri nga 5 persona që lëviznin me një automjet.
Policia bëri të mundur identifikimin e mjetit me të cilin udhëtonin 5 shtetasit të dyshuarit dhe më pas i arrestoi.
Në pranga kanë përfunduar: Ersid Hasaj, 25 vjeç, Shpëtim Buraniqi, 22 vjeç, Bashkim Buraniqi, 24 vjeç, Armen Lisaj, 25 vjeç, Shuajp Molla, 58 vjeç, banues në Dobraç – Shkodër.
Sipas policisë të ndaluarit dyshohet se nën efektin e alkoolit, në bashkëpunim me njëri – tjetrin kanë kanosur me armë zjarri turisten 23 – vjeçare.
Ersid Hasaj akuzohet për veprën penale “Kanosje” dhe “Armëmbajtje pa leje “, ndërsa për veprat penale “Kanosja” dhe “Moskallëzim krimi” akuzohen Shpëtim Buraniqi, Bashkim Buraniqi, Armen Lisaj dhe Shuajp Molla.
