Një 36-vjeçare nga Lushnja është vënë në pranga nga policia pasi ka kanosur dhe ka dhunuar psikologjikisht një 52-vjeçar për ti marrë një shumë parash. E reja akuzohet për veprën penale “Shtrëngimi me anë të kanosjes ose dhunës për dhënien e pasurisë”.
“Specialistët për Hetimin e Krimeve në Komisariatin e Policisë Lushnjë ndaluan për veprën penale “Shtrëngimi me anë të kanosjes ose dhunës për dhënien e pasurisë”, shtetasen E. M., 36 vjeçe, banuese në fshatin Toshkëz, Lushnjë, pasi nëpërmjet kanosjes dhe dhunës psikologjike, i ka kërkuar një shumë parash, shtetasit G. N., 52 vjeç”, njofton policia.
Gjithashtu u procedua penalisht në gjendje të lirë, për veprën penale “Moskallëzimi i krimit”, shtetasi F. I., 30 vjeç, banues në Tiranë, pasi ka patur dijeni për ngjarjen dhe nuk ka kallëzuar në autoritetet përkatëse.
Materialet i kaluan Prokurorisë pranë Gjykatës së Shkallës së Parë Lushnjë, për veprime të mëtejshme procedurale.
